Што е ново во апликацијата

• Апликацијата повеќе не ве исфрла кога нема сигнал — на пчеларникот сигнал често нема, а апликацијата досега токму тогаш бараше повторна најава. И тоа на место каде што не можете ниту пошта да отворите ако сте ја заборавиле лозинката. Сега се отвора нормално, со податоците од последното јавување, а на врвот стои лента што кажува дека мрежа нема. Кога сигналот ќе се врати, притиснете „Обиди се повторно" и сè се освежува.
• Најавата трае подолго — сè додека ја користите апликацијата барем еднаш годишно, не морате повторно да ја внесувате лозинката.

• Споделете вага со некого — не можете до пчеларникот, а некој друг е таму? Во поставките на вагата направете шестзнаковен код и испратете му го. Тој го внесува во својата апликација и од тогаш ја гледа вашата вага. Гостинот само гледа: не може ништо да смени, не ги гледа податоците за SIM картичката, а пристапот му истекува сам по 7 или 30 дена. Можете и порано да му го укинете. Известувањата за таа вага стигнуваат и до него — ако е замолен да припази на кошницата, тревогата треба да ја добие тој, а не само вие.
• Заштита од поместување — за ваги со GPS. Со копчето Заклучи локација ѝ кажувате на вагата местото на кое сега стои да го запамети како свое; од тогаш мери колку се оддалечила и јавува штом ја премине границата. Подесувате колку често проверува и колку пати едноподруго мора да биде надвор од кругот пред тревогата. Кај вага без GPS кутијата не се прикажува.
• Тревогата се повторува додека не ја потврдите — ако вагата ви ја однесат ноќе, едно известување лесно се преспива. Затоа тревогата пристигнува повторно по 1, 5, 15 и 60 минути, а во последната и на е-пошта. Со копчето Потврди прием ѕвонењето престанува; самата тревога останува додека вагата не се врати на своето место. Кај споделена вага доволно е еден да потврди. Со тревогата за поместување стои и копче што ја отвора мапата на местото каде што вагата била кога јавила.
• Bluetooth подесување на вагата, директно од апликацијата — досега за тоа требаше посебна BLE апликација и рачно бирање UUID-ови. Сега тоа е екран во самата апликација, нова икона меѓу Ваги и Профил. Апликацијата сама ја препознава вагата и нуди копчиња за сите команди, подредени по работа: мерење, мрежа и сервер, помошни уреди, заштита од поместување. Сервисните команди бараат шифра — последните шест цифри од IMEI-от од налепницата — за случајно да не се допре погрешна вага.
• Графикон преку целиот екран — свртете го телефонот и графиконот го зазема целиот екран, со испишани вредности покрај точките и временска оска подолу, како на порталот. Копчето е покрај насловот на графиконот.
• Шест линии наместо три — покрај тежината, влажноста и внатрешната температура, графиконот прикажува и надворешна температура, температура во кошницата и батерија. Линија за сензор што не е приклучен не се црта — нема повеќе рамна линија на нула што ги збива сите останати.
• Легенда на графиконот во положен телефон — поместена е десно од графиконот, во тесна колона до самиот раб, со пократки натписи. Графиконот со тоа е забележливо поширок од порано.
• Бирање час кај минутното мерење — кај минутниот приказ, по датумот се бира и од кој до кој час. Еден ден е 1440 точки и на графиконот не се гледа ништо; вака се издвојува прозорецот што ве интересира, речиси што се случувало меѓу 6 и 10 наутро.
• Известувањата се препознаваат на прв поглед — видот на известувањето е напишан со големи букви, во боја што кажува што се бара од вас: црвено се оди веднаш, портокалово треба да се провери, сино е опрема и претплата, зелено е добра вест, црно е извештај. Подолу стои името на вагата. Известувањата се подредени по ваги и можат да се избришат.
• Сензорите се гледаат под својата вага — ако со вагата одат дополнителни сензори или ваги, сега се гледаат веднаш на списокот, вовлечени под главната вага и поврзани со линија. Порано се гледаа дури кога ќе се влезеше во вагата.
• Споделете мерење на Viber, WhatsApp или Facebook — копче на картичката со тековната состојба испраќа слика со тежината, температурата и останатите податоци, точно како на екранот, со називот на вагата и датумот подолу.
• Тарата може да биде и негативна — кога вкупната тежина е под нула, по нулирање или симнување наставка, и тарата што тоа го поништува е негативна. Порано минусот не можеше ниту да се искуца. Автоматската тара сега работи и на ваги што јавуваат со е-пошта.
• Видот акумулатор се памети на сметката — порано стоеше само во телефонот, па процентот на батеријата се разликуваше од оној на порталот. Сега е едно исто насекаде.
• Најава и регистрација на јазикот на телефонот — апликацијата го памети јазикот што сте го избрале, па и пораките на екранот за најава се на тој јазик, и кога самиот телефон е на друг.
• Прегледна долна лента — Bluetooth, Ваги и Профил се појасно раздвоени, а тоа на што сте моментално е означено со боја. Пчеларскиот дневник доби име покрај иконата.
• Поправено — три работи не работеа, а изгледаа како да работат: укинување пристап до споделена вага, бришење на сите известувања и потврда за прием на тревога. Поради третата тревогата се повторуваше до крај и кога ќе ја потврдевте. Bluetooth екранот на поновите Android телефони повеќе не се затвора сам при отворање.

Изданието е завршено но не отиде во продавниците. Сè што е во него направено — споделување вага, графикон преку целиот екран, шест линии, Bluetooth екранот, споделување мерење — е објавено во верзијата 2.5.0. Ако ја барате оваа верзија во продавницата, ја нема и не ви треба: 2.5.0 ја содржи цела.

• Споделување вага со друг пчелар, со код што се гледа само еднаш.
• Графикон преку целиот екран во положен телефон.
• Шест линии на графиконот наместо три.
• Bluetooth подесување на вагата од самата апликација, за трета и четврта генерација уреди.
• Споделување на тековната состојба на вагата како слика.
• Помошните ваги и сензори вовлечени под својата вага на списокот.
• Видот акумулатор се памети на сметката, а не во телефонот.
• Известувања подредени по ваги, со бришење.
• Прегледна долна лента и почетна страница.

• Вечерен извештај во 20 ч — известување со тежината во 20 и во 6 ч, дневниот принос, 24-часовната разлика, најниската и највисоката температура на денот и состојбата на батеријата и сигналот.
• Листање мерења — во кутијата „Најново мерење" повлечете налево за претходните мерења, надесно назад на последното. Кај постаро мерење пишува и колку се променило во однос на она пред него.
• Преглед на известувања — во профилот и на страницата на вагата. Сè што ви пристигнало во последните 7 дена, и ако е избришано од лентата на телефонот. Сега таму стојат и пораките што ви ги испраќаме од сервисот.
• Известувањето се отвора во полн прозорец — допир на пораката го отвора целиот текст, читливо. Во лентата на телефонот собираат само два реда, а вечерниот извештај има неколку броја.
• Пчеларски дневник со еден допир — икона на почетната страница води право во дневникот, веќе најавени, без повторно куцање лозинка.
• Побогата прогноза — покрај температурите сега и веројатност за дожд, влажност на воздухот и најсилен ветер. Кога врне или дува, нема излети ниту внес — па се знае и зошто вагата застанала.
• Иконата за известувања во лентата на телефонот повеќе не е сиво квадратче.
• Во профилот пишува која е верзијата на апликацијата, со список на измени.
• Преводите дополнети на сите единаесет јазици — нема повеќе зборови што остануваа на англиски.
• Целата комуникација со серверот сега оди шифрирано (HTTPS).
• Најавата се чува во безбедното складиште на телефонот.
• Побрзо и поуредно однесување на слаба мрежа.

• Известувања на телефон: слаба батерија, преоптоварување, ненадеен губиток на тежина, зададени тежини, работилка.
• Временска прогноза за пчеларникот со мапа.
• Поддршка за помошни (slave) ваги.
• Неделен принос по денови.

• Прво издание: преглед на ваги, мерења и графикони, тара, SIM картичка, додавање вага со QR код.